Cartlanna Clibe: Cór Chúil Aodha

Guthanna na nOileán

Tá traidisiún amhránaíochta ghrúpaí an-láidir ins na Gaeltachtaí agus i Sardegna. Canann grúpaí in a dteangan dúchasach féin agus iad ag caomhnú stíl traidisiúnta athá an shean agus an-láidir fós ins an dá oileán seo – Eireann agus Sardegna. Beidh ‘Guthanna na n-Oileán’ ag diriú isteach ar an dtraidisiún láidir seo agus ar conas a roinnntear an traidisiúin leis an chéad glúin eile. Ar an 26ú agus 27ú Aibreán 2013, san Ionad Cultúrtha, Baile Mhúirne, beidh ceolchoirmeacha – ina measc beidh Tenores di Bitti ó Sardegna; beidh comhdháil dár dteideal ‘Caomhnú Guthanna na nOileáin’ agus beidh scannán, ‘Aisling Gheal’, le Dónal Ó Céilleachair á thaispeáint.

Tabharfaidh ‘Guthanna na n-Oileán’ deis dos na h-amhránaithe idir mhalartú á dhéanamh lena chéile agus teacht ar stáitse chun deis a thabhairt do phobal Ghaeltacht Mhúscraí na stíleanna amhránaíochta éagsúla seo a chloisint. As seo, táimíd ag súil go mbeidh forbairt agus nasc á crothú idir na Gaeltachtaí agus Sardegna. Beidh dhá ceolchoirm ar siúl san Ionad Cultúrtha le linn na féile amhranaíochta seo: ar an Aoine, beidh Tenores di Bitti, ón tSáirdín san Iodáil, Mná an Oileáin ó Chiarraí agus Cór Chúil Aodha ó Mhúscraí ar stáitse agus ar an Satharn, ‘siad aionna na ceolchoirme ná Voice Squad agus Cór Ban Chúil Aodha ó Mhúscraí.

I rith an lae ar an Satharn, beidh comhdháil dár teideal ‘Caomhnú Guthanna na nOileáin’, ina mbeidh an Doctúir Lillis Ó Laoire mar cathaoirleach agus ina mbeidh aíonna na deireadh seachtaine ag glacadh páirt. ‘Sé ábhar na comhdháile ná conas a roinntear traidisiún na h-ámhránaíochta i ngrúpaí leis an chéad glún eile. Beidh cainteoirí athá i mbun na h-oibre seo ó Ghaeltachtaí na Mumhan ag glacadh páirt sa chomhdháil, maraon le amhránaithe ón gceantar. San iar–nóin, taispeánfar an scannán ‘Aisling Gheal’ , le Dónal Ó Céilleachair, a chuireann síos ar caomhnú an traidisiun amhránaíochta ar an sean-nóis agus conas a théann sé ó ghlúin go glúin – sa chás seo, tá trí ghlúin i gceist. Beidh comórtaisi amhránaíochta agus seoladh dlúth diosca amhránaíochta ar siúl san iarnóin comh maith – mar sin beidh lá den chéad scoth againn!

Tá ‘Guthanna na n-Oileán’ ar siúl mar chuid den chlár cultúrtha chun comóradh a dhéanamh ar Uachtarántacht na hÉireann ar Chomhairle an Aontais Eorpaigh i rith na bliana seo.

Advertisements

Freagra

Rangaithe faoi Uncategorized

Adeste Fideles ….go Cúil Aodha don Nollaig

Freagra

Rangaithe faoi An Ghaoluinn, Cúil Aodha, Cultúr, Siamsaíocht

Tá clú agus cáil ar Iarla Ó Lionaird ar fuaid an domhain as ucht feabhas is binneas a chuid amhránaíochta. Cumadóir ceoil é freisin, ar ndóigh. Is i Múscraí i gContae Chorcaí a d’fhas sé agus bhí sé – agus tá sé – ina bhall de Chór Chúil Aodha. Chaith sé seal sa bhanna, the Afro Celt Sound System, agus le cois sin tá trí albam ar a laghad éisithe aige féin – ina measc – Seacht gCoiscéim na Trócaire, If I Could Read The Sky agus Invisible Fields. Seo taifeadadh a rinne mé agus Iarla ag canadh i gcoirm cheoil sa Chultúrlann ar Bhóthar na bhFal i mBéal Feirste. Aoibhinn Cronán, amhrán a chum An Chraoibhín Aoibhinn – Dubhglás de hÍde – atá á cheol aige anseo, amhran ana chuí le h-aghaidh an ionad seo atá ina shampla de thabhacht uilephobalach na Gaeilge

Freagra

Rangaithe faoi An Ghaoluinn, Cultúr, Siamsaíocht