Ceapóg é seo a chum Dónal Ó Liatháin agus atá bunaithe ar sean scéal a bhíodh á insint ag Amhlaoibh Ó Luinse, an seanchaí iomráiteach ó Chúil Aodha, trath dá raibh. Ba iad Áine Uí Chúill agus Eibhlín Ní Lionaird a dhéanfadh an cheapóg seo ag ocáidí éagsúla ar nós an Féile Náisiúnta Dramaíochta agus Oireachtas na Gaeilge. Seo iad á chur i láthair ag an ocáid in Aras Eamoinn Mhic Suibhne i gCúil Aodha i gcuimhne ar Dhónail.
Tá’s againn go bhfuilimíd i ndúlaíocht an Gheimhridh nuair a thosnaítear ag caint ar an Éigse. Éigse Dhiarmuid Uí Shúilleabháin nó Éigse Dhiarmuidín atá i gceist agus beidh sé á reachtáil anseo i gCúil Aodha, áit dhúchais an amhránaí a cailleadh i dtimpist taca an ama seo i 1990, agus i mBaile Bhuirne ar an 4ú-5ú-6ú Nollaig.
Deireadh seachtaine ceoil agus amhráin, cuimhní cinn agus léachtanna agus go leor leor eile a bheidh ag titim amach i mbliana. Tosnóidh sé ar an 4ú Nollaig i Halla Chúil Aodha – Aras Éamoinn Mhic Suibhne – leis an oscailt oifigiúil ag Seán O Liatháin, sean chara le Diarmuidín agus a leathbhadóir i luibíní is a leithéid. An oíche céanna seolfar feilire 2010 Coiste Litríochta Mhúscraí agus beidh léacht ann faoin Dochtúir O Loingsigh, a shaol agus a shaothar, ag Dónal O hÉalaithe. Beidh ceol agus rínce sna tabhairní is ostáin áitiúla – seisiún ceoil sa Mhuileann agus oíche rínce seiteanna in Ostán Ghobnatan/Abbey Hotel.
Ar an Satharn a reachtáilfear na ranganna do lucht foghlamtha ceoil agus tá cuid de na ceoltóirí, rínceoirí is amhránaithe is fearr sa tir ann chun barr snáis a chur ar do chuid scileanna. Paudie O’Connor (bosca ceoil), Diarmuid O’Brien (fidil), Eamonn Cotter (feadóg mhór), Gay McKeown (píob uileann), Máire Ní Cheilleachair(amhránaíocht sean nóis), Dainní Maidhcí O Suilleabháin (Bailéadaí Béarla) agus Máire Aine Ní hIarnáin (rínce ar an sean nós).
Beidh seisiún ceoil i Mhuseam an Mhuilinn agus taispeantas rínce le cois san iarnóin. An oíche sin beidh Coirm Ceoil na hÉigse sa Halla i gCúil Aodha agus is liosta le h-áireamh iad na ceoltóirí a bheidh ar an ardán. Orthu sin nach bhfuil luaite go dtí seo, tá Martin Hayes, laoch fidil Oirthear an Chláir, Caoimhín O Raghallaigh, Gabriel McArdle, Patsy agus Pauline Healy, Charlie Harris, John Kelly, Eamon McGivney, Peadar O Riada agus Cór Chúil Aodha, Muireann Ní Dhroighneáin a bheidh ina bhean a’ tí ag an ocáid.
Tuilleadh seiteanna ina dhiaidh sin in Ostán Ghobnatan, beidh cruinniú na n-amhránaithe sa Mhuileann agus Club na Féile sa Mhuseam.
An maidin dar gcionn beidh Aifreann na hÉigse i gCúil Aodha ag 11rn. Craolfar seo ar RTÉ Raidió na Gaeltachta, áit ar chaith Diarmuidín seal fada ag obair agus é in chlár reachtaire/iriseoir ann. Ina dhiaidh sin, ag mean lae, beidh ocaid an speisialta sa tsean teampall i Reilg Ghobnatan le Martin Hayes, Caoimhín O Raghallaigh agus Peadar O Riada – agus is í Gabriel McArdle a bheidh ag canadh na n-amhrán.
Idir 1in agus 7.000in sa Mhuseam sa Mhuileann tá imeacht ana spéisiúil á reachtáil. Séard atá i gceist leis an Amhránathon ná seisiún amhránaíochta gan stop agus beidh aos óg na h-áite go h-áirithe páirteach ann. Tá an imeacht á reachtáil ar mhaithe le h-airgead a chnuasú do Aisling Gheal, an scéim áitiúil amhránaíocht ar an sean nós. Tá sé rí thabhachtach go mbeadh maoiniú á dhéanamh ar seo nó is é seo an scéim ceannródach atá ag cur chun cinn amhránaíocht ar an sean nós go h-áitiúil.
Cuirfear clabhsúr ceolmhar leis an deireadh seachtaine sa ‘cosy spot, the Top of Coom’ nuair a bheidh Eibhlís Uí Thuama ina bhean a tí ar sheisiún amhránaíochta san iar nóin.
Agus, ansan arís, tuilleadh ceoil in Ostán Ghobnatan an oíche sin, Jimmy Doyle agus a chairde.
Scannán é seo ó mhaistir scannánaíochta. Tugtar léargas ann ar stair chorraitheach na hIodáile tar éis an Dara Chogaidh Domhanda, trath go raibh polataíocht na tíre sin in aimhréidh agus rialtais á thoghadh agus á chur as oifig ar luas na gaoithe.
Duine de na príomh phearsaí le linn an ama sin abea Mario Andreotti, príomh aire na hIodáile ar sheacht ocáíd éagsúil. B’é an cheannaire ar Pháirti na nDaonláthach Criostaí agus le linn a ré ba tír aon pháirtí an Iodáil fiú is go raibh cúrsaí polatúil i gcónaí i gcíor thuathail. Ba léir gur fear ildánach ar leith abea Andreotti – ach is beag eolais a bhí – agus atá – ag a chomhshaorannaigh ar an bhfear mistéireach seo.
Paolo Sorrentino’s magisterial Il Divo reaches into the tumultuous political history of post-war Italy to craft a dazzling portrait of one of the period’s most complex and ambiguous figures, Giulio Andreotti (Toni Servillo). Arguably the most important Italian politician of the last fifty years, Andreotti entered politics in 1946 and led seven governments, turning his Christian Democratic party into a force that ran Italy in what was essentially a one-party system. To do so clearly required a man of singular abilities – but Andreotti was, and remains, an enigma to his fellow countrymen.
Ní scannán dír bheathaisnéise den ghnath chló an scannán seo. Díríonn an cheamra ar an bhfear seo i slí a fhagann tú faoi mhí chompórd agus tú ag déanamh doimhin staidéar ar an bhfear fuinniúíl forsúil seo. Tá rath ar an gcur chuige seo mar gheall ar an aisteoir atá i bpáírt Andreotti – Toni Servillo. Is ar éigean nach gceapfá gurb é Andreotti féin atá ann. Beireann an stiurthóir greim orainn ón tús le radharc a dhíríonn ar Andreotti agus a aghaidh clúdaithe le snathaidí ‘acupuncture’.
The film eschews the traditional biopic format in favour of a far more claustrophobic, focused look at the man. This concentration of energy and force pays high dividends, especially as Sorrentino has found a perfect vessel in Servillo, an actor who loses himself in the role and effectively “becomes” Andreotti before our eyes. From the film’s opening moments when we are confronted with Andreotti – in intense close-up, with acupuncture needles covering his face – we are unmistakably in the hands of a master.
Is cosúil gur polaiteoir abea Andreotti a raibh suim aige i dtoraíocht na cumhachta seachas i bhfeidhmiú na cumhachta nuair a bhí sé bainte amach aige. Agus cuireann seo leis an tarraingt atá ag an scannán seo. Tá eolas aige ar na gcúl dorchlaí ina roinntear na cumhacht ach is beag a spéis i gcúrsaí polasaí. Díríonn an scannán seo ar chúlbhóithre na smaointe in aigne Andreotti – is léir go bhfuil rún daingean aige tuiscint a bhaint amach. Sa deireadh, áfach,fagtar againn an mhistéir i gcónaí.
Bhuaigh an scannán an Prix de Jury ag Féile Idirnáisiúnta Cannes i 2008.
What is fascinating about Il Divo is the manner by which it hones in on a man who is apparently more interested in obtaining power than actually wielding it. Andreotti is a tightly coiled, extremely controlled, almost emotionless field of energy who successfully navigates the backroom corridors of power but appears unconcerned and uninterested in issues of policy. Sorrentino’s conceit is not to skim the surface of Andreotti’s political accomplishments, but to stare as if through a microscope into the more private corridors of his thoughts. This he does with an intense desire to see and understand, though perhaps only the enigma remains.
The film was awarded the Prix du Jury at the 2008 Cannes Film Festival.
Director Biography
Paolo Sorrentino was born in Naples in 1970. In 2001, his first feature, the dramatic comedy L’Uomo in più (One Man Up) was invited to Venice. It was widely honored in Italy and overseas. It also marked the beginning of his collaboration with longtime favorite actor Toni Servillo. In 2004, Paolo Sorrentino made his second film Le conseguenze dell’amore (The Consequences of Love), which premiered in Competition at the Festival de Cannes. It was a great success and won numerous prizes including five David di Donatello (for Best Film, Best Director, Best Screenplay, Best Actor and Best Cinematography). Two years later, he returned to the Croisette with L’amico di famiglia (Friend of the Family). It was with his fourth film Il Divo, the portrait of the Italian Prime Minister Giulio Andreotti, that Sorrentino won the Prix du Jury at last year’s Festival de Cannes and has been nominated for 16 David di Donatello. – Cannes Film Festival 2008
Seo é Long an Phobail agus é ag seoladh ar Chuan Chorcaí an Aoine seo chaite. Is é seo an long a cheannaigh Comharchumann Turasóireachta Iarthar Chorcaí le déanaí ar chostas €7.3m. Is é an plean go mbeidh an Innisfallen ag seoladh idir Corcaigh agus Swansea ó mhí na Márta seo chugainn.
Tá sciar nach beag ag Múscraí sa long seo os rud é gur thug Comharchumann Forbartha Mhúscraí meitheal do ghnólachtaí sa cheantar – Ostán Ghobnatan, Fabraicí Fíor Alainn, An Cruiscín Lán, Baile Mhuirne, Siulóidí Cois Laoi/Lee Valley Walking, Prince August Moulds agus Ostán Ghugán Barra – chun sciar a cheannach. Tá sciar den sciar ag Comharchumann Forbartha Mhúscraí freisin. Tá sciar eile ceannaithe ag An Muileann, rud a neartaíonn láimh Mhúscraí sa bhfiontar seo go mór.
Beidh a thuilleadh eolais againn faoi seo go luath….
Na Giollaí Mear - Ealaíon ar son Chorcaí ag Peadar Ó Riada
Tá Múscrai ar fad feistithe i mbratacha deaerg agus bán agus gasra laidir ón gceantar páirteach i bhfoireann Chorcaí a bheidh ag imirt i gCraobh na hÉireann sa pheil Dé Domhnaigh seo chugainn.
Seo píosa ealaín ar thaobh an bhóthair i Múine Beag, Cúil Aodha. Peadar O Riada a rinne. Beidh a thuilleadh íomhánna againn ó Mhúscraí sna laethannta romhainn.
Tá ár dtacaiocht ag Nollaig O Laoire agus Antaine O Loingsigh atá ainmnithe ar an bhfoireann agus le Peadar O hÉalaithe atá ina thraenálaí ar an bhfoireann.
An comhlacht ardteicneolaíochta Somex Teo ag dul i mbun gnó ar Pháirc Thionscail Údarás na Gaeltachta i mBaile Bhuirne Tá ionad nua bunaithe ag Somex Teo, soláthraí réitigh uathoibrithe a bhíonn ag plé go sonrach le dearadh agus le forbairt trealamh tástála saotharlainne, ar eastát tionscail Údarás na Gaeltachta i mBaile Bhuirne, Co. Chorcaí.
Bhunaigh Brian O’Keefe agus Michael Wall an comhlacht, a bhí lonnaithe i Maigh Chromtha roimhe seo, sa bhliain 2000 agus theastaigh foirgneamh níos mó le bheith in oiriúint do na pleananna fáis agus forbartha a bhí acu. Le cúnamh agus tacaíocht ó Údarás na Gaeltachta, dhear agus d’fhorbair an comhlacht foirgneamh nua d’ardteicneolaíocht ar pháirc thionscail an Údaráis le hinfheistíocht iomlán de €0.75milliún.
Déanann Somex Teo réitigh thástála pacála agus táirge don earnáil dí agus tá comhlachtaí móra idirnáisiúnta ar nós PepsiCo, Coca-Cola, Carlsberg agus C&C mar chliaint acu. Lena chois sin, cuireann an comhlacht sainréitigh dearadh agus uathoibrithe ar fáil do na hearnálacha cógaisíochta, leighis, plaistigh agus leictreonacha.
Tá ochtar fostaithe sa chomhlacht faoi láthair agus tá pleananna acu seachtar eile a earcú thar na trí bliana atá romhainn. Faoi láthair, is céimithe tríú leibhéal iad an fhoireann go léir ag a bhfuil saineolas sna réimsí dearadh meicniúil, dearadh uathoibrithe agus forbairt bogábhar. Tá i gceist go mbeidh cáilíocht den chineál céanna ag daoine a earcófar sa todhchaí.
Agus é ag fógairt leathnú an chomhlachta go Baile Bhuirne, dúirt Pádraig Ó hAoláin, Príomhfheidhmeannach Údarás na Gaeltachta “Tá áthas orainn go bhfuil ar ár gcumas tacú leis an chomhlacht Somex Teo leathnú go Baile Bhuirne. Is comhartha é cinneadh an chomhlachta, gnó atá chomh sofaisticiúil agus chomh fada chun cinn ó thaobh na teicneolaíochta de a lonnú anseo, go bhfuil muinín acu as an bhfoireann oibre agus as an gceantar go ginearálta.
Is sampla é an fhorbairt seo de chur i bhfeidhm pholasaí an Údaráis tionscail ardteicneolaíochta atá ag fostú daoine le hard cháilíochtaí i gceantair atá in ann foirgnimh fheiliúnach gnó, foireann oibre oilte agus infreastruchtúr a chur ar fáil.” Cuireann Somex Teo béim mhór ar thaighde agus ar fhorbairt agus tá siad i láthair na huaire ag obair leis an gColáiste Ollscoile, Corcaigh ar phróisis nuálach le tástáil a dhéanamh ar dheochanna agus táthar ag súil go mbeidh buntáiste mór anseo don tionscail dí go domhanda.
Dúirt Brian O’Keeffe agus Michael Wall, stiúrthóirí Somex Teo go gcuirfeadh an áis nua deis fháis agus acmhainní breise ar fáil do chustaiméirí nua agus reatha as seo amach. “Tá i gceist ag Somex Teo leanúint ar aghaidh ag díriú ar nuálaíocht sa mhargadh tionscail agus dá réir sin, ag soláthar taithí fhairsing agus deiseanna dá chuid fostaithe. Tá an tacaíocht agus an spreagadh a fuaireamar ón Údarás le linn dúinn a bheith ag leathnú chuig ár bhfoirgneamh nua agus ag an am céanna muid ag iarraidh fás a chothú laistigh dár ngnó, thar a bheith luachmhar. Ba mhaith linn ár mbuíochas a ghlacadh le gach duine san Údarás a chabhraigh linn agus táimid ag tnúth le dea-thodhchaí i nGaeltacht álainn Bhaile Bhuirne”, a dúirt siad.
Seo an tríú chaibidil ó dhirbheathaisnéis an Athar Pheadair Uí Laoghaire. Tá sé á léamh anseo ag Máiréad Uí Lionaird agus is é David Webb ó Phortsmouth, Sasana, a rinne an taifead le linn do bheith ar chuairt anseo le déanaí.
Tá clú agus cáíl ar an leabhar ‘Mo Scéal Féin’ ó pheann an Athar Pheadair Uí Laoghaire a foilsíodh ag tús an chéid seo chaite. Tá taifeadadh déanta ag fear léinn, David Webb, den leabhar seo agus é á léamh ag Mairéad Uí Lionaird agus tá sé iarrtha orainn é a fhoilsiú anseo, rud atá á dhéanamh againn anois agus athás orainn amhlaidh a dhéanamh.
Inniu a bheidh an chéad chaibidil ar fáíl – agus beidh na caibidil eile anseo de réir a chéile. Go raibh maith agaibh, David, Mairéad agus, gan amhras, a Athair Pheadair as ucht an seod seo ó litríocht na hÉireann agus litríocht Mhúscraí.
 | Michelle Ní Mhurchú on Na Giollaí Mear – Corcai… |
 | Seán on Mo Scéal Féin – an chéad… |
 | aonghus on Mo Scéal Féin – an chéad… |
 | David Webb on Mo Scéal Féin – an chéad… |
 | Sinéad ní Choinn on Cultúr do chach cois Suláin id… |
|
